2022/2023-cü tədris ili üçün ADRA-nın SABAH qruplarının Dekorativ-tətbiqi sənət (sahələr üzrə) və Dizayn (sahələr üzrə) ixtisasları üzrə bakalavriat səviyyəsinə tələbə qəbulu üçün müsabiqə elan olunur.

Müsabiqədə Azərbaycan Respublikası Təhsil Nazirliyinin tabeliyində olan Azərbaycan Dövlət Rəssamlıq Akademiyasının (Dekorativ-tətbiqi sənət (sahələr üzrə) və Dizayn (sahələr üzrə)) ixtisasları  I kursda əyani formada təhsil alan, I tədris ilinin I semestrinin nəticələrinə görə akademik borcu olmayan və orta müvəffəqiyyət göstəricisi (ÜOMG) 61-dən aşağı olmayan Azərbaycan Respublikası vətəndaşları iştirak edə bilərlər.

SABAH qruplarının bakalavr səviyyəsinə tələbə seçimi müsabiqəsi qaydalarının 7.3 bəndinə əsasən namizədlərin qiymətləndirilməsi həm də ali təhsil müəssisələrinə qəbul balı əsasında aparıldığından yalnız  Dövlət İmtahan Mərkəzi tərəfindən keçirilən qəbul imtahanı yolu ilə ali təhsil müəssisəsinə qəbul olunmuş şəxslər müsabiqədə iştirak edə bilər.

Müsabiqənin 1-ci mərhələsində iştirak etmək üçün elektron ərizə doldurulmalıdır. Elektron ərizəni doldurmazdan əvvəl Akademiyanın SABAH mərkəzinə yaxınlaşaraq müvafiq “Təlimat”la və “SABAH qruplarına tələbələrin seçimi Qaydaları” ilə tanış olmağınız xahiş olunur.

Hazırki ali təhsil müəssisisəsindən asılı olaraq, tələbələr üçün müəyən olunmuş son qeydiyyat tarixi 16/04/2022-ci ildir.

Qeydiyyat üçün SABAH qruplarının saytına daxil olaraq elektron ərizəni doldurmağınız tələb olunur.